📌 તાજા સમાચાર: રાજ્ય પરીક્ષા બોર્ડ (SEB) ગાંધીનગર દ્વારા “નેશનલ મીન્સ કમ મેરીટ સ્કોલરશીપ યોજના ૨૦૨૬-૨૭” (NMMS) ની સત્તાવાર જાહેરાત પ્રસિદ્ધ કરવામાં આવી છે.
કેન્દ્ર સરકારના શિક્ષણ મંત્રાલય દ્વારા આર્થિક રીતે નબળી સ્થિતિ ધરાવતા તેજસ્વી વિદ્યાર્થીઓ ધોરણ ૧૨ સુધીનો અભ્યાસ નિર્વિઘ્ને પૂર્ણ કરી શકે તે હેતુથી NMMS (National Means Cum Merit Scholarship Scheme) ચલાવવામાં આવે છે. રાજ્ય પરીક્ષા બોર્ડ, ગાંધીનગર દ્વારા શૈક્ષણિક વર્ષ ૨૦૨૬-૨૭ માટે ધોરણ ૮ ના વિદ્યાર્થીઓ પાસેથી આવેદનપત્રો મંગાવવામાં આવ્યા છે.
આ યોજના હેઠળ પસંદગી પામેલા વિદ્યાર્થીઓને ધોરણ ૯ થી ૧૨ સુધી દર મહિને ₹૧,૦૦૦/- લેખે વાર્ષિક ₹૧૨,૦૦૦/- (ચાર વર્ષમાં કુલ ₹૪૮,૦૦૦/-) ની શિષ્યવૃત્તિ સીધી બેંક ખાતામાં આપવામાં આવે છે. નીચે પરીક્ષાના કાર્યક્રમ, ફી, પાત્રતા, અભ્યાસક્રમ અને ઓનલાઇન ફોર્મ ભરવાની સંપૂર્ણ વિગતવાર માહિતી આપેલ છે.
📋 અનુક્રમણિકા
📅 NMMS પરીક્ષા કાર્યક્રમ ૨૦૨૬-૨૭
| ક્રમ | વિગત | તારીખ |
|---|---|---|
| ૧ | જાહેરનામું બહાર પાડ્યાની તારીખ | ૧૨/૧૦/૨૦૨૬ |
| ૨ | ઓનલાઇન આવેદનપત્ર ભરવાનો સમયગાળો (sebexam.org) | ૧૫/૧૦/૨૦૨૬ થી ૨૪/૧૦/૨૦૨૬ |
| ૩ | પરીક્ષા ફી ઓનલાઇન ભરવાનો સમયગાળો | ૧૫/૧૦/૨૦૨૬ થી ૨૬/૧૦/૨૦૨૬ |
| ૪ | પરીક્ષાની સંભવિત તારીખ | ૦૫/૧૨/૨૦૨૬ |
💰 શિષ્યવૃત્તિની રકમ અને નિયમો
- પરીક્ષામાં મેરીટમાં આવનાર વિદ્યાર્થીઓને માસિક ₹૧,૦૦૦/- લેખે વાર્ષિક ₹૧૨,૦૦૦/- શિષ્યવૃત્તિ મળવાપાત્ર રહેશે.
- આ સહાય ધોરણ ૯ થી ધોરણ ૧૨ સુધી એમ સળંગ ૪ વર્ષ સુધી આપવામાં આવે છે (કુલ ₹૪૮,૦૦૦/-).
- ગુજરાત રાજ્ય માટે NMMS નો કુલ ક્વોટા ૫,૦૯૭ વિદ્યાર્થીઓ નો છે.
- શિષ્યવૃત્તિની રકમ મેળવવા માટે મેરીટમાં પસંદગી પામેલા વિદ્યાર્થીઓએ National Scholarship Portal (NSP) પર રજીસ્ટ્રેશન કરાવવું ફરજિયાત છે. સહાય સીધી વિદ્યાર્થીના બેંક ખાતામાં જમા થાય છે.
🎓 વિદ્યાર્થીની લાયકાત અને જરૂરી માપદંડો
- શાળાનો પ્રકાર: ચાલુ શૈક્ષણિક વર્ષમાં સરકારી પ્રાથમિક શાળા, લોકલ બોડી શાળા (જિલ્લા પંચાયત/મહાનગરપાલિકા/નગરપાલિકા) અથવા ગ્રાન્ટેડ પ્રાથમિક શાળામાં ધોરણ ૮ માં અભ્યાસ કરતા વિદ્યાર્થીઓ જ અરજી કરી શકશે.
- ધોરણ ૭ માં ગુણ: જનરલ અને OBC કેટેગરીના વિદ્યાર્થીઓએ ધોરણ ૭ માં ઓછામાં ઓછા ૫૫% ગુણ (અથવા સમકક્ષ ગ્રેડ) અને SC/ST કેટેગરીના વિદ્યાર્થીઓએ ઓછામાં ઓછા ૫૦% ગુણ મેળવેલા હોવા જરૂરી છે.
- આવક મર્યાદા: વિદ્યાર્થીના વાલીની વાર્ષિક આવક ₹૩,૫૦,૦૦૦/- થી વધુ ન હોવી જોઈએ. આવકનો દાખલો મામલતદારશ્રી, TDO, તલાટી કમ મંત્રી અથવા ચીફ ઓફિસરનો માન્ય રહેશે.
- કોણ ફોર્મ ના ભરી શકે? ખાનગી (સેલ્ફ ફાઇનાન્સ) શાળાઓ, કેન્દ્રીય વિદ્યાલય, જવાહર નવોદય વિદ્યાલય તેમજ રહેવા-જમવાની સગવડ આપતી સરકારી નિવાસી શાળાના વિદ્યાર્થીઓ આ પરીક્ષા આપી શકશે નહીં.
💳 પરીક્ષા ફી નું માળખું
| કેટેગરી | પરીક્ષા ફી |
|---|---|
| જનરલ (General), EWS અને OBC (SEBC) કેટેગરી | ₹૭૦/- |
| SC, ST અને PH (દિવ્યાંગ) કેટેગરી | ₹૫૦/- |
નોંધ: ઓનલાઇન પેમેન્ટ ગેટવે સર્વિસ ચાર્જ અલગથી ચૂકવવાનો રહેશે. ફી Net Banking, ATM/Debit Card, Credit Card અથવા UPI દ્વારા ભરી શકાશે.
📝 પરીક્ષા પદ્ધતિ અને પેપર માળખું (Exam Pattern)
આ કસોટી બહુવિકલ્પ (MCQ) આધારિત રહેશે અને કોઈ નેગેટિવ માર્કિંગ પદ્ધતિ રહેશે નહીં. પ્રશ્નપત્ર ગુજરાતી તેમજ અંગ્રેજી માધ્યમમાં ઉપલબ્ધ રહેશે.
| વિભાગ / કસોટીનો પ્રકાર | પ્રશ્નો | કુલ ગુણ | સમય |
|---|---|---|---|
| ૧. MAT (બૌદ્ધિક યોગ્યતા કસોટી): તાર્કિક ક્ષમતા, શ્રેણી, પેટર્ન, સાદ્રશ્ય વગેરે | ૯૦ | ૯૦ | ૯૦ મિનિટ |
| ૨. SAT (શૈક્ષણિક યોગ્યતા કસોટી): ગણિત, વિજ્ઞાન અને સામાજિક વિજ્ઞાન | ૯૦ | ૯૦ | ૯૦ મિનિટ |
| કુલ (Total) | ૧૮૦ | ૧૮૦ | ૧૮૦ મિનિટ |
- અભ્યાસક્રમ: SAT પેપરમાં ધોરણ ૭ નો સંપૂર્ણ અભ્યાસક્રમ અને ધોરણ ૮ ના પ્રથમ સત્રના અભ્યાસક્રમમાંથી પ્રશ્નો પૂછવામાં આવશે.
- ક્વોલિફાઇંગ ગુણ: જનરલ અને OBC કેટેગરી માટે બંને વિભાગના મળીને ૪૦% ગુણ (૭૨ ગુણ) અને SC/ST કેટેગરી માટે બંને વિભાગના મળીને ૩૨% ગુણ (૫૮ ગુણ) મેળવવા ફરજિયાત છે.
- અંધ/દિવ્યાંગ ઉમેદવારોને લહિયા સાથે પરીક્ષા આપવા માટે ૬૦ મિનિટનો વધારાનો સમય મળશે.
💻 ઓનલાઇન ફોર્મ કેવી રીતે ભરવું? (Step-by-Step)
- સૌપ્રથમ સ્ટેટ એક્ઝામિનેશન બોર્ડની અધિકૃત વેબસાઇટ www.sebexam.org ઓપન કરો.
- હોમપેજ પર Apply Online પર ક્લિક કરી “National Means Cum Merit Scholarship Scheme (STD-8)” સામે Apply Now પસંદ કરો.
- વિદ્યાર્થીનો U-DISE નંબર દાખલ કરી શાળાનો DISE કોડ દાખલ કરો.
- ખાસ કાળજી: વિદ્યાર્થીનું નામ, અટક અને જન્મતારીખ સત્તાવાર સરકારી દસ્તાવેજ મુજબ ચોકસાઈપૂર્વક જ દાખલ કરવી.
- વિદ્યાર્થીનો ફોટો અને સહી JPG ફોર્મેટમાં (15 KB સુધી) અપલોડ કરો.
- જરૂરી પ્રમાણપત્રો (આવકનો દાખલો, જાતિ પ્રમાણપત્ર અને ઓળખ પુરાવો) અપલોડ કરો.
- બધી વિગતો ચકાસીને Confirm Application પર ક્લિક કરો.
- કન્ફર્મ થયા બાદ ઓનલાઇન પેમેન્ટ ગેટવે દ્વારા પરીક્ષા ફી ભરીને e-Receipt અને ભરેલા આવેદનપત્રની પ્રિન્ટ કાઢી લેવી.
📥 NMMS સત્તાવાર જાહેરનામું PDF ડાઉનલોડ
NMMS પરીક્ષા ૨૦૨૬-૨૭ નું સંપૂર્ણ પરિપત્ર વાંચવા અને સાચવી રાખવા માટે નીચે ક્લિક કરો:
સત્તાવાર જાહેરનામું PDF ડાઉનલોડ / ઓનલાઇન અરજી❓ વારંવાર પૂછાતા પ્રશ્નો (FAQ)
૧. NMMS પરીક્ષાનું ફોર્મ કોણ ભરી શકે છે?
સરકારી, લોકલ બોડી કે ગ્રાન્ટેડ પ્રાથમિક શાળામાં ચાલુ વર્ષે ધોરણ ૮ માં અભ્યાસ કરતા હોય અને ધોરણ ૭ માં ૫૫% (અનામત વર્ગ માટે ૫૦%) ગુણ ધરાવતા હોય તેવા વિદ્યાર્થીઓ ભરી શકે છે.
૨. વાલીની વાર્ષિક આવક મર્યાદા કેટલી હોવી જોઈએ?
વાલીની કુલ વાર્ષિક આવક ₹૩,૫૦,૦૦૦/- થી વધુ ન હોવી જોઈએ.
૩. શિષ્યવૃત્તિ કુલ કેટલા વર્ષ સુધી મળે છે?
પસંદગી પામેલા વિદ્યાર્થીઓને ધોરણ ૯ થી ધોરણ ૧૨ સુધી દર વર્ષે ₹૧૨,૦૦૦/- લેખે ૪ વર્ષ સુધી કુલ ₹૪૮,૦૦૦/- ની સહાય મળે છે.
૪. શું ખાનગી શાળાના વિદ્યાર્થીઓ આ પરીક્ષા આપી શકે છે?
ના, ખાનગી કે સેલ્ફ-ફાઇનાન્સ શાળાના વિદ્યાર્થીઓ NMMS યોજના માટે પાત્ર નથી.
Post a Comment